फलटण – सामाजिक कार्यातून वेगळा ठसा उमटविणारे विद्यार्थीप्रिय शिक्षक इम्तियाज तांबोळी यांना महात्मा फुले गौरव पुरस्कार देऊन सन्मानित करण्यात आले.
महाराष्ट्र राज्य महात्मा फुले विचार अभियान, सुजन फाउंडेशन व महाराष्ट्र राज्य पुण्यश्लोक अहिल्यादेवी होळकर त्रिशताब्दी जयंती महोत्सव समिती यांच्या संयुक्त विद्यमाने आयोजित करण्यात आलेल्या कार्यक्रमात महाराष्ट्र राज्य पत्रकार कल्याण निधीचे अध्यक्ष रवींद्र बेडकिहाळ यांच्या हस्ते इम्तियाज तांबोळी यांना महात्मा फुले गौरव पुरस्कार देऊन सन्मानित करण्यात आले.
यावेळी जेष्ठ सामाजिक कार्यकर्ते संपतराव जाधव, बापूराव सुळ, सर्जाकार सुरेश शिंदे, तुकाराम कोकाटे यांची प्रमुख उपस्थिती होती.
इम्तियाज तांबोळी यांनी विविध गावातील जिल्हा परिषद शाळांमध्ये प्राथमिक शिक्षक म्हणून उत्तम काम केले आहे.सध्या ते खंडाळा तालुक्यातील निंबोडी गावातील प्राथमिक शाळेत कार्यरत आहेत.विविध सामाजिक उपक्रम राबविण्यात त्यांचा नेहमी पुढाकार असतो.विद्यार्थी प्रिय शिक्षक म्हणून त्यांची ओळख आहे.या त्यांच्या कार्याची दखल घेऊन पुरस्कार देण्यात आला.
क्रांतीसुर्य महात्मा ज्योतीराव फुले यांना 11 मे 1888 रोजी मांडवी कोळीवाडा येथे महात्मा ही पदवी प्रदान करण्यात आली. या दिनाचे औचित्य साधून विविध क्षेत्रात विशेष उल्लेखनीय कार्य करणाऱ्या व्यक्तींचा महात्मा फुले गौरव पुरस्कार देऊन सन्मान करण्यात आला. तसेच विविध क्षेत्रात सेवाभावी वृत्तीने काम करणाऱ्या महिलांना पुण्यश्लोक अहिल्यादेवी होळकर पुरस्काराने सन्मानित करण्यात आले.
कार्यक्रमाचे प्रास्ताविक सुजन फाउंडेशनचे अध्यक्ष अजित जाधव तर सूत्रसंचालन साहित्यिक ज.तू. गार्डे यांनी केले.
या पुरस्काराबद्दल इम्तियाज तांबोळी यांचे सर्वत्र अभिनंदन होत आहे.
