श्री स्वामी समर्थ महाराजांचा 169 वा प्रकट दिन निमित्ताने श्री स्वामी समर्थ सेवा मंडळतर्फे प.पु. राजनकाका देशमुख महाराज यांच्या उपस्थितीत सोम. दि.31 मार्च रोजी विविध कार्यक्रमांचे आयोजन

फलटण – श्री स्वामी समर्थ महाराजांचा 169 वा प्रकट दिन निमित्ताने श्री स्वामी समर्थ सेवा मंडळ, बुधवार पेठ,शिवाजी रोड फलटणच्या वतीने नवलबाई मंगल कार्यालय येथे सोमवार दि.31 मार्च रोजी प. पूज्य राजनकाका देशमुख महाराज यांचे उपस्थितीत विविध धार्मिक कार्यक्रमांचे आयोजन करण्यात आले आहे.

 श्री स्वामी प्रकटदिनी नवलबाई मंगल कार्यालय,फलटण येथे सकाळी 8 वा श्रीं चा अभिषेक, महाआरती, मंत्र ,नामस्मरण त्यानंतर वास्तुशास्त्र,पितृषास्त्र,संख्याशास्त्र,शिवसरोदय शास्त्र याविषयी प. पू. राजनकाका देशमुखमहाराज यांचे प्रवचन होणार आहे..

यावेळी व्यसन मुक्त संघटनेचे प्रमुख नातेपुते येथील ह भ प धैर्यशीलभाऊ देशमुख, ह.भ.प.नवनाथमहाराज शेलार उपस्थित राहणार आहेत.

सायकाळी 6.00 वा आरती व नंतर महाप्रसाद कार्यक्रम होणार आहे. यावेळी दोन किलो चांदीचे आसन असलेली पंचधातूची श्री स्वामी समर्थांची मूर्तीचा अभिषेक करण्यात येणार आहे.ती परमपूज्य राजनकाकांच्या निवासस्थानी कायमस्वरूपी दर्शनासाठी उपलब्ध राहणार आहे.या सर्व कार्यक्रमास सर्व स्वामी भक्तांनी मोठ्या संख्येने उपस्थित राहण्याचे आवाहन आयोजकांच्या वतीने करण्यात आले आहे.