फलटण तालुक्यात राष्ट्रीय बाल स्वास्थ्य कार्यक्रम अंतर्गत बालकांच्या मोफत विशेष तपासणी मोहिमेचे आयोजन

फलटण : – राष्ट्रीय बाल स्वास्थ कार्यक्रमांतर्गत फलटण तालुक्यातील सर्व शासकीय व निमशासकीय शाळांमधून व अंगणवाड्यांमधून शून्य ते अठरा वयोगटातील बालकांची मोफत आरोग्य तपासणी  वैद्यकीय अधीक्षक व  तालुका वैद्यकीय अधिकारी यांच्या मार्गदर्शनाखाली दिनांक 1 मार्च ते 31 मार्च अखेर करण्यात येणार आहे.

सध्या फलटण तालुक्यात आर बी एस के अंतर्गत चार पथके कार्यरत आहेत. या पथकामार्फत तालुक्यातील शून्य ते अठरा वयोगटातील बालकांची मोफत शारीरिक तपासणी करण्यात येणार आहे. त्याचबरोबर या तपासणी दरम्यान बालकांमध्ये आढळणाऱ्या व्यंगाबद्दल मोफत उपचार करण्यात येणार आहेत. गंभीर स्वरूपाचे आजार असणाऱ्या विद्यार्थ्यांना पुढील उपचारासाठी संदर्भ सेवा उपलब्ध करुन देण्यात येणार आहे. शस्त्रक्रियेची गरज असणाऱ्या लाभार्थ्यांना ह़दय शस्त्रक्रिया व इतर शस्त्रक्रिया मोफत करण्यात येणार आहे.या संधीचा लाभ घेऊन आरोग्य तपासणी करण्याचे आवाहन आर बी एस के तपासणी पथक फलटण उपजिल्हा रुग्णालय यांचे वतीने करण्यात आले आहे.