पुणे – ॲग्री हॉर्टीकल्चरल सोसायटी ऑफ वेस्टर्न इंडियाचा संस्थेमार्फत दि. २४ ते २७ जानेवारी २०२५ दरम्यान एम्प्रेस गार्डन, पुणे येथे सर्वात मोठे पुष्प प्रदर्शन भरणार आहे.
पुण्यातील ॲग्री हॉर्टीकल्चरल सोसायटी ऑफ वेस्टर्न इंडियाचा संस्थेमार्फत एम्प्रेस गार्डनचे व्यवस्थापन केले जाते. बागेचे व्यवस्थापन करीत असताना संस्थेमार्फत नेहमी अनेक विविध समाजोपयोगी उपक्रम बागेत राबवले जातात . ज्यायोगे सर्वसामान्य व्यक्तीला निसर्गाबद्दल व पर्यावरणाबद्दल आपुलकी निर्माण होईल व प्रत्येक व्यक्तीला त्यापासून काही विरंगुळा मिळेल या उद्देशाने अॅग्री हॉर्टीकल्चरल सोसायटी ऑफ वेस्टर्न इंडिया ही संस्था १८३० पासून कार्यरत आहे. दरवर्षी जानेवारी महिन्यामध्ये संस्थेमार्फत एम्प्रेस गार्डन येथे पुष्प प्रदर्शनाचे आयोजन केले जाते. सुरवातीच्या काळात पुष्प प्रदर्शन म्हणजे केवळ ठराविक एक वर्गाचा विरंगुळा मानला जात होते. मात्र संस्थेने कालानुरूप त्यामध्ये बदल केल्यामुळे आज जे पुष्प प्प्रदर्शन भरविले जाते .त्यामध्ये अबाल वृद्धांचा सहभाग असतो. त्यासाठी व्यामामध्ये बागप्रेमीसाठी निरनिराळ्या स्पर्धा आयोजित करण्यात येतात. तसेच फुलांची कलात्मक मांडणी, फळे व भाजीपाला स्पर्धा, आकर्षक पानांच्या कुंड्या, बागेतील विविध फुले देखील सर्वसामान्य व्यक्ती या प्रदर्शनांमधील स्पर्धेत मांडू शकतात. त्यासाठी कोणतेही शुल्क आकारले जात नाही. केवळ स्पर्धे पुरते मर्यादित न राहता. पुष्प प्रर्दशनानिमित्ताने बागेस भेट देणाऱ्या पुष्प रसिकांना नव्याने सजलेल्या एम्प्रेस गार्डनचा आनंद घेता येतो. खास पुष्प प्रदर्शनानिमित्त दरवर्षी विविध प्रकारच्या उद्यान रचना, आकर्षक कुंड्यांची मांडणी, विविध पानाफुलांची रचनात्मक मांडणी इ. प्रकार या पुष्पप्रदर्शनाच्या निमित्ताने पुष्परसिकांस पाहावयास व अनुभवयास मिळतात त्यामुळे अनेक पुष्प रसिक या प्रदर्शनाची आतुरतेने वाट पाहात असतात. पुष्पप्रदर्शनाच्या निमित्ताने पुण्यातूनच नव्हे तर अगदी कोल्हापूर, सांगली, नाशिक, आंध्र प्रदेश इ. ठिकाणाहून नर्सरी व्यावसायिक या पुष्पप्रदर्शना मध्ये सहभागी होण्याकरिता येत असतात. पुष्पप्रदर्शनाच्या निमित्ताने दरवर्षी खास मुलांसाठी चित्रकला व हस्ताक्षर लेखन स्पर्धा देखील आयोजित करण्यात येतात. या स्पर्धेस निरनिराळ्या शाळांमधून सुमारे १००० विद्यार्थ्यांचा सहभाग असतो. यंदाच्या वर्षी देखील शालेय विद्यार्थ्यांसाठी चित्रकला स्पर्धा व हस्ताक्षर लेखन स्पर्धा रविवार दि. १२.०१.२०२५ रोजी आयोजित करण्यात आलेली आहे. पुष्पप्रदर्शनामध्ये मुख्य आकर्षण असते ते म्हणजे विविध प्रकारच्या पुष्परचना. यंदाच्या वर्षीदेखील) जपानी पध्दतीने साकारलेल्या विविध पुष्परचना तसेच बोन्साय वृक्षांचे विविध प्रकार स्पर्धकांनी साकारलेल्या विविध कलाकृती या पुष्पप्रेमीच्या पसंतीस नक्कीच उतरतील, या वर्षीच्या पुष्प प्रदर्शनाचे उद्घाटन शुक्रवार दि, २४ जानेवारी २०२५ रोजी दुपारी १२. ०० वाजता डॉ. सुहास दिवसे, जमाबंदी आयुक्त व संचालक भूमी अभिलेख, पुणे यांच्या हस्ते होणार आहे.
पुष्प प्रदर्शनाची वेळ
शक्रवार दि. २४ जानेवारी २०२५ शनिवार दि. २५ जानेवारी २०२५ रविवार दि. २६ जानेवारी २०२५ सोमवार दि. २७ जानेवारी २०२५ शुक्रवार 24 जानेवारीदुपारी १ ते सायं. ७ शनिवार सकाळी ९ ते सायं. ७ : रविवार सकाळी ९ ते सायं. ७ सोमवार सकाळी ९ ते सायं. ७ असे होणार आहे.
