फरांदवाडी येथील जय मल्हार लॉजवर पोलिसांचा छापा,वेश्या व्यवसाय उघडकीस, तिघांवर गुन्हा दाखल, एका महिलेची सुटका

फलटण – फलटण शहरानजीक फरांदवाडी (तालुका फलटण) गावच्या हद्दीत जय मल्हार लॉज येथे उपविभागीय पोलिस अधिकारी राहुल धस व त्यांच्या पथकाने छापा टाकून अवैध वेश्या व्यवसायाचा पर्दापाश केला आहे. या प्रकरणी तिघा विरोधात गुन्हा दाखल केला आहे.तर एका महिलेची सुटका करण्यात आली आहे.
फरांदवाडी (तालुका फलटण) गावच्या हद्दीत असणाऱ्या जय मल्हार लॉज येथे वेश्याव्यवसाय चालत असल्याची माहिती उपविभागीय पोलिस अधिकारी राहूल धस यांना बातमी द्वारे समजतात त्यांच्या नेतृत्वाखाली सहाय्यक फौजदार सूत्रधार अहीवळे ,पोलीस कॉन्स्टेबल लवटे ,शेख, तळपे ,भोसले ,पवार, काकडे, नाळे ,वलेकर यांनी त्या ठिकाणी छापा टाकून वेश्याव्यवसाय करत असलेले प्रवीण रंगराव पवार (वय 35) वर्ष राहणार विडणी (तालुका फलटण) दीपक दत्तात्रय धायगुडे (वय 28) राहणार सरडे (तालुका फलटण) व राहुल सूर्यकांत सरगर( वय 50) राहणार मलटण फलटण यांच्यावर मानवी व्यापार प्रतिबंधक आधीनियमाप्रमाणे कारवाई केली असून एका महिलेची सुटका केली आहे. यातील आरोपी राहुल सरगर हा फरारी असून इतर दोघांना अटक करून त्यांच्याकडून एक लाख 26 हजार पाचशे रुपयांचा मुद्देमाल हस्तगत केलेला आहे.
सदरची कारवाई पोलीस अधीक्षक समीर शेख अप्पर पोलीस अधीक्षक डॉक्टर वैशाली कडूसकर, उपविभागीय पोलीस अधिकारी राहुल धस यांच्या मार्गदर्शनाखाली उपविभागीय पोलिस अधिकारी कार्यालय फलटण व निर्भया पथकातील पोलीस अधिकारी व अंमलदार यांनी केली आहे.
उपविभागीय पोलिस अधिकारी राहुल धस यांनी फलटण शहर व तालुक्यातील सर्व पालकांना आवाहन केले आहे की त्यांनी आपल्या पाल्यावर लक्ष ठेवून ते नक्की काय करतात याबाबत दक्षता घ्यावी तसेच अशा प्रकारचे कोणी अवैध धंदे करीत असल्यास त्यांच्यावर कठोर कारवाई करण्यात येईल असे स्पष्ट केले आहे.